.مايخفاش عليكم انو المنصة متع سامي الفهري طاحت وتعطلت لاكثر من 24 ساعة. والحقيقة، مش اول مرة تصير حاجة كيما هكا ومن جملة الامثلة Artify طاح عام 2020 وهو يعدي في "النوبة2" .. موقع EVAX زادة طاح وخرج مالخدمة عمناول كي العباد حبت تجبد "الجواز الصحي"
يقول القايل، علاش نعادو فالغلطة لي عملها غيرنا في وقت لي كنا نجمو نتعلمو منها ونتجنبوها، وشنوة لي يخلي انسان عندو الموارد والامكانيات كيما سامي يعمل منصة اداءها ضعيف وتاعبة من الناحية التقنية، وزعمة علاش المطوريين لي خدمولو المنصة مقراوش حساب العدد الهائل متع الناس لي بش تدخل للمنصة خاصة فالنهار الاول خاطرها بلاش؟
قبل كل شي خلي نفهمو شنوة معنتها website طايح وشنوة السبب لي يخليه يطيح؟
وقت لي site يطيح معنتها معادش عندو القدرة على نقل البيانات من قاعدة البيانات للمستخدم، فما برشة اسباب تخلي موقع يطيح كيما الاغلاط لي تصير فالكود ولا الهجمات السيبرانية اما حبيت نركز فالاسباب لي موجودة في الحكاية متاعنا وهي Traffic Spike بمعنو انو فماش توافق بين مستويات حركة المرور وسعة البنية التحتية للموقع خلال إطار زمني معين، يعني تتجاوز طلبات النظام التي يقدمها الزوار الذين يتصفحون موقع الويب موارد سعة المعالجة للموقع وأي أنظمة تابعة لجهات خارجية
وقتها يتباطأ أداء الموقع ويتعطل تمامًا بالنسبة لبعض المستخدمين أو جميعهم. بالعامي الموقع ماهوش حاضر بس يستقبل عدد كبير متع عباد يدخلو فرد وقت، وهنا فما تقصير مالفريق التقني متع سامي الفهري سواء تعمد ام لم يتعمد التركيز فالنقطة هذي.
كيفاش نتعلمو ملي صار وشنوة انجمو نعملو بش ماتصيرلناش نفس الغلطة نهار اخر لوكان واحد فينا يقرر يعمل موقع ؟
1- تفققد ال- capacité متع الموقع متعك مسبقا : كن مستعد للاقبال الكبير على الموقع متاعك، لازمك تعرف قداه اقصى قدرة متع تحمل ال-website متاعك ينجم يتحملها.
2- استعمل CDN : ال -CDN تعاونك في تسريع سرعة نقل المحتوى بغض النظر عن موقع المستخدم وضمان حركة المرور دون انقطاع
3- اختار مليح لي بش تعمل عندو Hosting : بش تضمن اساس صحيح متع موقعك لازم تختار شكون يضمنلك الاستقرارية والاستمرارية .
4- اعمل crash test للموقع متاعك : من احسن الطرق بش تعرف إذا كنت بالحق حاضر ل-traffic هي محاولة تطيح الموقع متعك
برشة شركات تعمل اختبار السحابي لتقليد تدفق ال-traffic إلى يصير في مواقعهم..
5- الجواب متاع الناطق الرسمي متاع الحوار متاع واحد مخوا باك لاتر وتضحك, خاطر حلول كانت تنجم تكون موجودة ثمة حاجة اسمها load balancer معنها كيف serveur يطيح تلقى الاخر يهز عليه الحمل ولا كيف يكثر charge اخر يهز عليه وثمة توه أغلبية les offres يخلك تخلص قد ما تستعمل معنها كيف يكثر charge automatique يخوا des resources اخرين ونهارت يطيح charge موش باش تخلص.
شمس نيوز
ليست هناك تعليقات:
إرسال تعليق